Ramayana: బాక్సాఫీస్ను షేక్ చేస్తున్న ‘రామాయణం’.. 14 రోజుల్లోనే రూ.1,500 కోట్లు

Ramayana: భారతీయ సినీ పరిశ్రమలో ‘రామాయణం’ సినిమా సరికొత్త రికార్డులు సృష్టిస్తోంది. నితేశ్ తివారీ దర్శకత్వంలో రణ్బీర్ కపూర్, సాయిపల్లవి, యష్ ప్రధాన పాత్రల్లో నటించిన ఈ చిత్రం విడుదలైన రెండు వారాల్లోనే ప్రపంచవ్యాప్తంగా రూ.1,500 కోట్ల వసూళ్ల మార్కును దాటింది. ఇండియాలోనూ రూ.1,000 కోట్లకు పైగా గ్రాస్ కలెక్షన్లు సాధించి బాక్సాఫీస్ దగ్గర తన సత్తా చాటింది.
14వ రోజు ఎంత వసూలు చేసిందంటే?
నవంబర్ 18న 14వ రోజు ఈ సినిమా ఇండియాలో అన్ని భాషల్లో కలిపి రూ.23.20 కోట్ల నెట్ వసూళ్లు సాధించినట్లు ట్రేడ్ అంచనాలు చెబుతున్నాయి. దీంతో దేశీయంగా మొత్తం నెట్ వసూళ్లు రూ.844.40 కోట్లకు చేరాయి. ఇండియా గ్రాస్ కలెక్షన్లు రూ.1,009.05 కోట్లకు పెరిగాయి. విదేశాల్లో అదే రోజు రూ.8 కోట్ల గ్రాస్ వసూళ్లు రావడంతో ప్రపంచవ్యాప్త కలెక్షన్లు రూ.1,519.05 కోట్లకు చేరుకున్నాయి.
ఏ భాషలో ఎంత కలెక్షన్?
14వ రోజు వసూళ్లలో హిందీ వెర్షన్ ముందంజలో నిలిచింది. ఈ ఒక్క భాషలోనే రూ.16.50 కోట్ల నెట్ వసూళ్లు వచ్చాయి. మలయాళంలో రూ.2.15 కోట్లు, కన్నడలో రూ.1.65 కోట్లు, తమిళంలో రూ.1.60 కోట్లు, తెలుగులో రూ.1.30 కోట్ల వసూళ్లు నమోదయ్యాయి. అన్ని భాషల్లోనూ ప్రేక్షకుల నుంచి ఆదరణ కొనసాగుతున్నట్లు ఈ లెక్కలు చెబుతున్నాయి.
ఇది కూడా చదవండి: New Rules: పెళ్లి చేసుకుంటున్నారా? అయితే ఈ కొత్త రూల్ తెలుసుకోవాల్సిందే
ప్రపంచవ్యాప్తంగా రూ.1,500 కోట్ల క్లబ్లోకి..
భారత్లో రూ.1,009.05 కోట్ల గ్రాస్ వసూళ్లతో పాటు విదేశాల్లో రూ.510 కోట్ల గ్రాస్ కలెక్షన్లను ఈ చిత్రం సాధించింది. దీంతో మొత్తం ప్రపంచవ్యాప్త వసూళ్లు రూ.1,519.05 కోట్లకు చేరాయి. కేవలం 14 రోజుల్లోనే ఈ స్థాయికి చేరడం విశేషం. విడుదలైన తొలి రోజుల్లో వచ్చిన స్పందనతో పాటు పండుగ సీజన్లో పెరిగిన ప్రేక్షకుల ఆదరణ కూడా వసూళ్లకు తోడ్పడినట్లు ట్రేడ్ కథనాలు పేర్కొంటున్నాయి.
భారీ తారాగణంతో తెరకెక్కిన చిత్రం
నితేశ్ తివారీ దర్శకత్వంలో రూపొందిన ఈ సినిమాలో రణ్బీర్ కపూర్ రాముడిగా, సాయిపల్లవి సీతగా, యష్ రావణుడిగా కనిపించారు. సన్నీ డియోల్ హనుమంతుడి పాత్రలో, రవి దూబే లక్ష్మణుడి పాత్రలో నటించారు. ఈ చిత్రాన్ని రెండు భాగాలుగా రూపొందిస్తున్నారు. రెండో భాగాన్ని 2028 దీపావళికి విడుదల చేయాలని చిత్ర బృందం ప్రణాళిక వేసింది.

Chiranjeevi: డీప్ఫేక్లపై చిరంజీవి పోరాటం.. కేంద్రానికి వినతిపత్రం
Bigg Boss 10 : బిగ్ బాస్ హౌస్ నుంచి వైల్డ్ కార్డ్ బ్యూటీ అవుట్.. స్టేజీ పైనే కన్నీళ్లు పెట్టుకున్న శ్వేత
Bigg Boss 10: కెప్టెన్సీ టాస్క్లో రచ్చ రచ్చ.. ముకేష్ వర్సెస్ వర్షిణి మధ్య తీవ్ర వాగ్వాదం
Mahesh Babu: మహేశ్ బాబు ఇంట్లో పెళ్లి సందడి.. వైరల్ అవుతున్న ప్రీ వెడ్డింగ్ ఫొటోలు